الغربة كالثلاجة

اكيد كل واحد عندة قصة بحياتة
بس اكو شيء مشترك بين قصص الكل وهوة الغربة والبعد عن الوطن
فكل الناس من تسألهم انت مسافر خارج العراق يجاوبوك اي اني كعدت سنة بفلان مكان لو اني جنت بالخارج 5 سنوات
لو اني ولدت بأمريكا
فأحنة لح نظل بهذا الحجي الى بعد 100 سنة

والغربة شيء مو هين واحد يعوف اصدقاء ويعوف منطقتة ويعوف كل ذكرياتة
ويجي لدولة هوة حديقة
صحيح الدولة تقدملة كل شيء يحتاجة بس متقدملة الحنان
يعني شنو الحنان؟
الحنان _اذا الشخص نفرض راح مثلا لهولندة تلكى كل الهولنديين يعاملوة مثل الحشرة يعني يتحاشون من عندة يبتعدون عنة

او مثلا في امريكا عندي صديق يقول اذا تمشي انت بحدك بشوارع امريكا لو تتعرض لكتلة محترمة لو تنسرق
يعني لازم تسوي جماعة مثلهم وتمسي

يعني هاي الشغلات مفتقرة بالدول الي نروح ألهة
مثلا السويديين همة صحيح ناس حبابين ورقيقين بس من توصل للصدك كل واحد يمشي بدرب
المهم من واحد يعيش بهاي الدول ويفتقر للحنان والعشرة مثل ما جان بدولتة الام
بالدول الاجنبية و خاصة الاوربية يشعر نفسة هوة كاعد بثلاجة بسبب الحياة الروتينية

عبالك جهاز يطلع الصبح للمدرسة يرجع ياكل بعدين يباوع تلفزيون بعدين ينام وهكذا
يعني الواحد المغترب يطلقون علية اسم ثاني مو مغترب
متثلج




الله يرجع كل غريب لوطنة



تحياتي
نائب المدير مصطفى يوفنتوس

الرجاء كتابة رأيكم بدون تحفض او خجل
.......شكرا

اي انت صحيح تحجي بس هذا المتثلج لازم بقسى سرعة يموع نفسه يعني ينفتح او لازم ينسجم ابمالته المجتمع وهاية الشغلة اني ما اعرف شلون واحد يحققهة او شلون يتغلب على الثلج يعني شلون

و الله حجيك صحيح بس هذا امر واقع منقدر انسوي شي
او على قولتك الله يرجع كل غريب ان شاء الله الى وطنه

عاشت ايدك هذا حجيك كله صحيح