هلآآآو ح ـدايق المنتدى
شلونكم شخ ـباركم
أليوم جبتلكم موضوع
على واحد هسة أمفتح
مح ـل جديد
...
أسواق الصدق و الامانة
أسواق الصدق و الامانة
في احد أيام بغداد الجميلة , افتتح احد الاشخاص محل كبير للتسوق أسماه ( أسواق الصدق والامانة ) وفيه كل انواع البضاعة التي يحتاجها كل منزل وفي منطقة كانت تفتقر الى أسواق من هذا النوع
في اول ايام الافتتاح دخل الى المحل صبي عمره حوالي 14 سنة ودار بينه وبين البائع الحوار التالي
مرحبه عمو..عمو اريد تايد .
ابني تريد تايد للملابس لو للمواعين ؟؟
عمو ميهم , انطيني اي تايد .
ميصير ابني تايد الملابس يختلف عن تايد المواعين والاواني , هنا اسواق الصدق والامانة ولازم اكون صادق وياك , فروح ابني اسأل أمك وشوف يانوع تايد تريد .
فذهب الصبي وعاد بعد 20 دقيقة.
عمو امي تريد تايد للملابس
زين , امك تغسل الملابس بالطشت لو بالغسالة ؟؟
والله عمو حسب الكهرباء , ماأعرف اليوم شلون راح تغسل الهدوم .
ابني مو تايد الغسيل اليدوي يختلف عن تايد الغسالة فروح اسأل أمك شتريد .
عمو , انطيني اي تايد الله يخليك لان احنا شقتنا بذيج العمارة بالطابق الرابع والمصعد ميشتغل لان ماكو كهرباء, ما أكدر كل شويه رايح جاي مو تعبت .
ابني ,احنا أسواق الصدق والامانة ما أكدر ابيعلك اي نوع تايد ,يعني تريدني اغشك ؟ روح أسأل أمك شتريد وتعال .
فذهب الصبي وعاد بعد 20 دقيقة
عمو , امي تريد تايد للغسالة .
زين ابني غسالتكم عادية لو نصف اوتوماتيكية لو فل اوتوماتيك ؟؟
والله عمو ما أعرف.
دروح اسأل امك وتعال.
أويلي ,,هم تريدني ارجع أسألها ؟ والله تعبت .
يا ابني غير أكون صادق وياك لو تريدني أقشمرك .
فذهب الصبي وعاد بعد 20 دقيقة.
عمو غسالتنا نصف اتوماتيكية , انطيني تايد خلي أولّي للبيت .
صار ابني صار , ويانوع تايد تريد عندي عراقي ,تركي , سعودي , ايراني ,لبناني , اردني , مصري.
عمو, فدوه أروحلك , انطيني أي نوع تايد وخلصني
ميصير ياوليدي ميصير , هاي أسواق الصدق والامانة ولازم أكون صادق وأمين وياك , كل واحد يختلف بالسعر والنوعية فروح اسأل أمك يانوع تايد تريد.
مو صارلي ساعة رايح جاي .
ميخالف وليدي بعدك شباب , يله سبع روح أسأل أمك وتعال .
فذهب الصبي وعاد بعد 20 دقيقة.
يابه , امي تريد تايد تركي لان تكول هو أحسن شي .
شفت ابني , النسوان يعرفون أحسن , وتريده بعطر لو بدون عطر ؟؟
عمو , انطيني أي تايد تركي , مو أنشكيت بالنص , هسه لو أكو يمنا محل قريب غيرك كان ما جيت عليك .
والله ياابني آني ماشايف ولد يتعاجز مثلك , هيه خطوتين لشقتكم واسأل امك وتعال , لأن ماأكدر ابيعلك أي تايد بكيفي , ميصير حرام عليّ , هنا أسواق الصدق والامانة .
فذهب الصبي وعاد بعد 25 دقيقة ...وأبو أبوه مصموط.
عمو انطيني تايد تركي ابو العطر , وفضني عاد .
طيّب , ويانوع عطر تريد امك , برتقال , تفاح , ليمون , بنفسج , ياسمين , خوخ , كلي شتريد .
يمعوَّد , انطيني اي تايد تركي حتى لو بعطر الخره .
ابني هذا شلون حجي , يعني تريدني أغشك وأقشمرك بالكوّه , أستغفر الله , دروح ابني اسأل امك .
فذهب الصبي وعاد بعد 25 دقيقة وهو يمشي بالكوّه.
يابه , تريده بعطر الليمون .
زين , امك ياحجم علبة تريد ؟؟ عندي 250 غرام , 500 غرام , كيلو , 2.5 كيلو , 5 كيلو .
هاي شلون شغله ؟؟ عمي انطيني اي حجم , ميهمني السعر بس خلي أخلص.
ميصير ياوليدي , تاليها وياك , يجوز انطيك حجم كبير وامك تكول هوايه علينا لو انطيك حجم صغير وميكفيكم وبعد ساعة هم ترجعلي , ليش ماتروح تتأكد من امك ؟؟
فذهب الصبي وعاد بعد 30 دقيقة وهو يسحل برجليه سحل.
تريد علبة ام 500 غرام .
عفيه عليك , هسه كلشي تمام ,, هسه آني عرفت انت شتريد بالضبط , أتفضل , هذا تايد تركي بعطر الليمون يستعمل لغسل الملابس في الغسالات النصف اوتوماتيكية عبوة 500 غرام , اوكي ؟؟؟
والله ياعمو دمرتني , نص نهار رايح جاي علمود اشتري تايد .
ميخالف ابني طوّل بالك , احنا هنا بأسواق الصدق والامانة لازم نتأكد انه طلبك مضبوط مثل ماتريده حتى انت ترتاح واحنا هم نرتاح .
هـهـهـهـهـه
خ ـطية شلع كلب الولد
هع
اتمنأأ عجبتكم ح ـبأيبي
الخميس أكتوبر 24, 2013 1:11 am من طرف ayad aljumaili
» شاهد ---- حاسبة hp mimi 1000
الإثنين يونيو 17, 2013 7:03 am من طرف عراقية وافتخر
» تعارف شنو رايكم؟
الإثنين يناير 07, 2013 3:06 am من طرف Ahlam Salman
» اريد منكم احلى تحية واحر تحية الى احلى عو سجل في المنتدى فوتو وشووووووووووفو
الإثنين يناير 07, 2013 3:02 am من طرف Ahlam Salman
» ممكن ترحيب
الخميس أغسطس 30, 2012 8:55 am من طرف صقر الرياضيات
» عضـــــــو جديد
السبت يوليو 14, 2012 12:00 am من طرف محمد
» اخواني واخواتي مشكلة ومحتاج مساعدتكم رجاءا !!!
الثلاثاء يونيو 05, 2012 3:08 pm من طرف المساعدعبدالله
» سجل حضورك
الجمعة يناير 06, 2012 10:07 am من طرف omanasalshybane
» الاحتلال المريكي للعراق بوجه الجديد
الثلاثاء ديسمبر 06, 2011 5:10 pm من طرف المغترب الوطني