دقوس .. دقوس ..اللي ما جربت هالدقوس يعني ما عمرها اكلت دقوس....لا يفوتكم

المقادير التقريبيه

3 حبات طماطم
نصف حبه بصل
3 فصوص ثوم
2 جبن كيري
نصف كأس زيت
7 فلفل احمر
ملعقه فلفل اسود
2 فنجان كاتشب
2 فنجان شطه
ثلاث ارباع الفنجان ملح
نصف فنجان سكر
بالنسبه للملح والسكر بعد ما يثقل قوام الدقوس ذوقيه واذا محتاج ملح او سكر زوديه

هذي المقادير ان شاء الله راح تكفي كأس خلاط واحد
تقريبا يجيلك مقدار برطمانين مثل اللي انا حاطتها بالصوره الاخيرة




هذي المقادير (طماطم,فلفل احمر,بصل,ثوم,فلفل اسود,ملح,سكر,كاتشب,شطه,جبن كيري,زيت,زيت زيتون)



نقطع الطاطم والفلفل بهالطريقه


نجيب الخلاط ونحط فيه المواد السائله(الشطه الكأتشب الزيت )ونحط معاها الجبن والثوم والفلفل الاسود



وبعدين نحط شويه من الطماطم والملح والسكر(طبعا انا ما ذكرت كميه معينه للملح والسكر كله حسب الرغبه)


وبعدين نحط الفلفل الاحمر ونبدأ نخلط


بعد الخلط راح يطلع معانا بهالشكل قوامه يميل للسائل
وتخلطين كل الكميه اللي عندك...


نحطها بقدر ع نار عاليه شوي بس نحرك بين كل فتره وفتره علشان ما يلصق


اول ما يغلي نوطي عليه النار ونتركه لحد ما يتبخر معظم السأئل ويصير قوامه ثقيل شوي ولا ننسى نحرك بين فتره وفتره


بعد ما يثقل قوامه نطفي النار ونخليه لحد ما يبرد وبعدين نعبيه بالبرطمان
ونصب فوقه زيت الزيتون علشان يحفظه مثل هالصوره ونحطه في الثلاجه




عليكم بالعافيه جربوه والله ما راح تندمون

شكراا

تدلل